بحث عن سؤال

أسئله حول بعض الالفاظ التي تتحدث بها المرأه |بذيئه ام لا


بعتذر جدا لكن محتاجة اعرف هو لفظ* خازوق*او كدا عيب ؟ انا مهندسة وبنقوله عادي ومرة قولته قدام قريبي قاللي مافيش واحدة محترمة بتقول الكلمة دي او لفظ اتخزوقت مثلا انا بقولها بغرض اني ابين ان موضوع ما باظ لو عطل او كدا لكن مقصدش حاجة مهينة.

مفهوم قصدك طبعا، استعمليه في معناه المقصود في شغلك، الخاص بالأساسات وكده لكن لا تستعمليهمطلقا خارج هذا النطاق

معذرة يا شيخ .. ولفظ احيه الل بيقولوه الاسكندرانيه هل مينفعش البنت تقوله برضو حتي لو مكانش عيب او حاجة ؟


في اسكندرية ومع الإسكندرانية عادي، خارجها مش ممنوع يعني الناس بدأت تفهم، بس بلاش أحسن

ليه الاسكندرانية بس يا شيخ 🤔؟


لأنهم عارفين إنها كلمة عادية خارج اسكندرية بيفكروها زي A7A

يا شيخ هي كلمة A7A ليه هيك عيب عندكن بمصر ؟ عندي فضول أعرف


عرفًا تم التعامل معها على إنها كلمة سباب وعمليا ناس كتير بيستعملوها كنوع من السباب الافتتاحي الدال على ما وراءه..

هو حرام لو بنت وبقولها مع صحابي لو حصل موقف واعترضنا وكدا وقولتها غصبن عني تدل ع الصدمه يعني او الاعتراض ...هل حرام ؟!


لو وسط ناس تعرفيهم وقابلين ده مش حرام، المشكلة إن اللسان بيتعود ولسان البنت تعوده في الحاجات دي مضر، نصيحتي بلاش

بعد اذنك يا شيخ ازاي اقدر احدد اذا كان كلمة ما بذيئة ام لا؟ يعني مثلا هل كلمة "خ*ا" تعتبر بذيئة ام لا و ينفع بنت تقولها؟


بداية مش محتاجين بذيئة، المرأة عموما تتنزه عن كثير من الكلام حتى غير البذيء..

البذيء يميز حسب العرف، ملوش قاعدة ثابتة

لا تقل هذه العبارات لزوجتك



ليست هناك تعليقات: