بحث عن سؤال

قطوف مرحه | الشيخ عمرو بسيوني
قطوف مرحه | الشيخ عمرو بسيوني ASK

السؤال:
ايه حكم شرب الحشيش يا شيخنا
الجواب:
لايجوز يروح قلب شيخنا. يا شاطر يا مؤدب

السؤال:
يا شيخ انا أتعرفت على بنت جميله وكل المواصفات  بس اتفاجئت انها عايزة هديه عروسه حلاوة المولد  بس لاقيتها ب 75 جنيه مش دي اصنام و حرام يا شيخ؟
الجواب:
مادام بخمسه وسبعين جنيه تبقي اصنام طبعاً

السؤال:
بابا بيدي اخويا الصغير مصروف أقل مني ينفع ازود من معايا بنيه الصدقة
الاجابه:
ينفع. 
ايه النوع الجديد من الاخوات دا نزل إمتي 😂

السؤال:
انكل من فضلك هوا الواحد ممكن يتجوز هوا عنده 17 سنه ولا لسه شويه زي ما بابا بيقول
الاجابه:
مادام فيها انكل يبقي بابا عنده حق اسمع كلامه

السؤال:
يا مولااااااانا هل يجوز المسح على الحذاء قياسا ب المسح ع الجوربين أثناء الوضوء إن كان يصعب نزعهم بعض الشئ 
بالله اجب
الاجابه:
انا كل يوم بجاوب ع السؤال دا. انا اسهل لي اجي اقلعك الجذمه والله

السؤال:
سأتقدم لخطبة فتاه ذات دين ولكني علمت أنها تحب الإخوان وتحب السيسي وولدها ينتمي لحزب النور فماذا افعل وانا أكره الحاكم هذا
الجواب:
ازي بتحب الاخوان و بتحب السيسي و ابوها بيحب النور دا بيت؟ ولا عنبر مجانين :)

السؤال:

انا اسكندراني وعاوز اخش دار العلوم العيشه…في القاهره هتبوظلي أخلاقي
الجواب:
دا ع أساس أن الاسكندريه المدينه المنوره 
شوف مصلحتك يا ابني و اعملها

السؤال:
هل يجوز الزواج من الميته؟
الجواب:
ربنا يا خدك وانت تتجوزها

السؤال:
هوا حضرتك سفلي ولا اخواني 
الجواب:
انا مباحث 

السؤال:
عمر بن العاص هوا سبب النكبه التاريخيه لمصر
الجواب:
جتك نيله ي حبيبي كان زمانك مرمي في قلايه في الصحراء ولا شغال مروحه عند واحد شعره اصفر 

السؤال:
لو سمحت عاوز ابقي اشطر من الشيخ محمد عبدالواحد الازهرى الحنبلي أذاكر كتاب ايه؟
الجواب:
سلاح التلميذ

السؤال:
هل لو وزعنا شوكولاته علي الناس في صلاة العيد تبقي بدعه
الجواب:
لا تبقي جنتله

السؤال:
هوا حضرتك بتنام زينا كده ي مولانا ؟؟
يعني سرير و مخده وكده و النظام بتاعنا في مصر؟
الجواب:
لا برشق في الحيط

السؤال: 
هوا لو انتحرت لضغط الدراسة الدكاترة بيخشوا النار معايا؟
الجواب: 
عاوز تنتحر عشان يخشوا النار بس؟ ادعي عليهم اسهل 

السؤال:
انت كشيخ المفروض انك متتعصبش 
الجواب:
انا كشيخ المفروض اطير ف السما و اعمل خمسات كمان
السؤال: هل يجوز مناداة ام خطيبتي ب كلمه (امي)
الجواب:
يستحب و قد يجب 
خليك ناصح 

السؤال:
انا فسخت الخطوبه عشان قالي وحشتني اه والله 
الجواب:
ليه كده يا فوزي 

السؤال:
ما هو ابلغ تعبير أو تعريف للحب اجيدوا علينا بفيض حروفكم ؟؟
الجواب:
اه انا اجود عليك بحروفي وانت تحب ع قفايا

السؤال ما حكم الزواج من بنت والدها شغال في المخابرات؟
الجواب: اهرب يا ياسين ربنا معاك

ليست هناك تعليقات: